Talat Xhaferi uron Kosovën, 15 vite më parë vendim historik dhe i shumëpritur

08:24 | 17 Shkurt 2023
Vjollca Gajraku

Kryetari i Kuvendit të Maqedonisë së Veriut, Talat Xhaferi, përmes një postimi në facebook ka uruar Kosovën në përvjetorin e 15 të Pavarësisë.

“Shpreh urimet e mia të përzemërta me rastin e 15-vjetorit të marrjes së vendimit historik, vendimit aq të përgjegjshëm por njëherazi edhe të shumëpritur dhe tej masë të guximshëm të qytetarëve kosovarë dhe Republikës së Kosovës!”

“Vizioni i burrështetasve Rugova, Jashari, largpamësia, mençuria dhe vullneti i palëkundshëm për ndërtimin e një shteti të lirë dhe të pavarur ishte rruga që e trasuan dhe plot 15 vite e ndjekin me devotshmëri gjeneratat e reja, duke e kompletuar imazhin e Republikës së Kosovës bashkëkohore, demokratike, progresive dhe paqedashëse”, shkruan Xhaferi.

“I gëzofsh edhe shumë përvjetorë Kosovë, në paqe, mirëqenie dhe reflektim pozitiv dhe të respektueshëm në rajon dhe më gjerë!” /arbresh.info